library

فخر الدین علی احمد ریسرچ لائبریری

غالب انسٹی ٹیوٹ کی فخرالدین علی احمد ریسرچ لائبریری اپنے نادرونایاب کتابوں کے کلکشن، رسائل و جرائد و اہم مخطوطات کی وجہ سے علمی و ادبی دنیا میں اہم مقام کی حامل ہے۔ اس لائبریری میں ۲۵ ہزارسے زیادہ کتابیں موجود ہیں۔جن میں تقریباً ۱۰۰۰ سے 
  زیادہ کتابیں صرف غالبیات کے تعلق سے ہیں۔ اس کے علاوہ، عہدِ غالب، معاصیرنِ غالب، کلاسیکی ادب،اردووفارسی زبان و ادب، کے علاوہ عالمی ادب اور ہندوستان کی تاریخ و ثقافت پربھی اس لائبریری میں بڑی تعداد میں اہم کتابیں موجود ہیں۔ فارسی زبان و ادب کابڑا ذخیرہ بھی اس لائبریری میں آنے والے اسکالرز کے لئے توجہ کا مرکز ہے۔ غالب، مومن، میرتقی میر، سودا، انیس، دبیر، مرزا مظہرجانِ جاناں، تفتہ، قائم چاند پوری، ذوق، ظفر، اقبال، سردار جعفری، فیض کے علاوہ سعدی، خاقانی، رومی، فردوسی، انوری، بیدل، حافظ جیسے متعدد اردو فارسی کے عظیم شعراء کے دواوین بھی اس لائبریری کی زینت ہیں۔ اردو زبان و ادب کے ممتاز نقاد قاضی عبدالودود کی کتابوں کابڑا ذخیرہ بھی اس لائبریری میں موجود ہے۔ اس کے علاوہ اوربھی بڑے ادیبوں ،نقادوں اور محققوں کی کتابوں کا بڑا کلکشن یہاں موجود ہے۔فخرالدین علی احمد ریسرچ لائبریری کی خاص بات یہ بھی ہے کہ یہ لائبریری پوری طرح سے ایک ریسرچ لائبریری ہے۔ بڑی تعداد میں یونیورسٹی کے اساتذہ، ریسرچ اسکالرز اور ادیب و دانشور حضرات اس لائبریری سے فیض یاب ہوتے ہیں۔ ملک و بیرون ملک سے نکلنے والے اہم رسائل و جرائد بھی بڑی تعداد میں اس لائبریری میں برائے مطالعہ موجود رہتے ہیں۔اردو ادب کی تقریباً تمام اصناف کی کتابوں کی موجودگی نے اس لائبریری کی افادیت میں مزید اضافہ کیاہے۔ اپنی خوبصورتی، اور منفردو نایاب ذخائر کتب کی وجہ سے آج بھی فخرالدین علی احمد ریسرچ لائبریری پوری ادبی دنیا کے لئے سرمایۂ افتخار
ہے۔

Best libraries in Delhi – Must visits for every Bibliophile!

  1. The Ghalib Institute
http://aninception.com/education/best-libraries-in-delhi-must-visits-for-every-bibliophile